CUENTOS DEL RABINO (I)

Esto yera un judíu que vivía en una casina de maera que yeren cuatro tables mal puestes, con el suelu de barro; y no tenía trabayu, y tenía  a la muyer, y siete fíos, y andaben toos descalzos, y comíen cuando podíen, y los guajes andaben too el día llorando; y un día el judíu ya no pudo más, y fue a ver al rabino: 

- Rabino, la mi muyer nun tien comida en casa, y tenemos siete boques que alimentar, y los fíos lloren, y fai frío en aquel chabolu... 

Y dijo el rabino: 

- Mete una cabra en casa. 

- Pero rabino, ¿cómo voy a meter una cabra?; La muyer no tien comida, y los fíos lloren, y fae frio en aquella casa... 

- Mete una cabra. 

Y el judíu con les poques perres que yos quedaben  metió la cabra, y seguien igual, o peor, y la muyer nun tenía qué dayos de comer, y los fíos lloraben, y facía frío, y encima la cabra, y el paisano volvió a ver al rabino: 

- Rabino, nun tenemos qué comer, y la muyer no tien pa danos comida, y los fíos lloren, y fai frío, y ahora con la cabra...

Y dijo el rabino: 

- Mete un gochu en casa. 

- Pero rabino, ¿cómo voy a meter un gochu? La muyer no tien pa danos comida, y los fíos lloren, y nun hay quién pare de frío, y ahora con la cabra...

-  Mete un gochu.

Conque con unes perres que y prestaron metió el gochu; y 'taben igual que antes, y la muyer sin comida pa dayos, y los guajes venga a llorar, y facía un cutu que escarabayaba el pelleyu, y encima la cabra y el gochu; entós el judiu allegóse otra vez al rabino: 

- Rabino, 'tamos muy mal, y nun hay comida en el llar, y la muyer 'tá desesperá, y los fíos no facen más que llorar, y el suelu ta congelau, y fai frío, y ahora con la cabra y el gochu... 

Y dijo el rabino: 

- Mete un caballo. 

- Pero rabino, ¿cómo voy meter un caballo, si ya nun cabemos, y aquella casa revienta, y la muyer no fae más que  rebañar les berces de la pota, y los fíos venga a llorar, y ahora con la cabra y el gochu..?

-  Mete un caballo. 

Y el judíu trabayó tres días pa un ricu que había, y con lo que y pagaron metió un caballo, y aquello arreventaba por les cuatro costures, y no cabíen, y la muyer tirábase de los pelos, y los guajes nun paraben de llorar, y la cabra, y el gochu, y el caballo; y entós volvió al rabino: 

- Rabino, ya nun damos más, ya 'tamos dando les boquiaes, y nun cabemos, y el suelu ye un puru carámbanu, y la muyer anda recogiendo po'l pueblu la esllaba de los gochos, y los fíos paecen los Berrones en concierto, y ahora con la cabra, y el gochu, y el caballo... 

Y dijo el rabino: 

- Mete una vaca. 

¿Tu tás llocu, rabino? Entos si que ya quello arrevienta por toos los laos. 

- Mete una vaca. 

Y el paisano fízose como pudo con una vaca; y claro, nun cabíen, y aquello era una fiesta de prau pero sin barra y sin espicha, y nun había pa comer, y nun comía nadie, y la muyer retorcíase p'ol suelu, y los guajes ya era como los coreanos del norte cuando yos muerre el Paisanón esi que tienen. Y el judíu fue a ver al rabino. 

- Rabino, ahora si que ya nun podemos más, ahora si que 'tamos escosaos de verdad.

Y dijo el rabino: 

- Ahora saques la cabra, y saques el gochu, y el caballo, y la vaca. 

Y el paisano volvió pa casa, y fizo tal como y lo dijo el rabino, y echó fuera a la cabra, y al gochu, y al caballo, y a la vaca,... Y a los tres días fue p'allá y dijo-y: 

- Rabino, ye verdad, qué bien 'tabamos enantes...